Lumbaandi
luela
Saintish Masengu
Kinshasa, 19, Ciswa 2019.
Saintish,
Masengu wuanyì,
muana a mùkalà wùetù
wa muana a Mààwù wùanyì
Cimànga Mvùla wa ba-Masengu
nè Kamuanyà mukuodìla muena Kalombò,
huvwa hu n’kùmbula ku ditùku nè ku ditùku :
naè : papa, anji cu tèèka mikàndà kuàka,
tù anji cu yiukila’cò ;
ùewe huvwa hu n’kàbila nè :
pàpa, nuàku buanga, dy ondòpà,
tu cìdi nàebè dikènga bwà mafùku haonsò hà cìvuavwà aha.
Leelù, hu a yi : nè buana buonso,
nè mabèèle pa ludìmi ; hu a n’shìyi n’luòtakana,
nè kanyinganyinga, nè binsònji bodyabodya,
nè cinyongopelu citèngàbàle bwu mbuwù.
Masengu wuanyì,
Dikàsà bubi, kabidi bulenga !,
huvwa cilòngò ci’tù’tònkesha !
Uewe cu tù nàyisha kansokoma a nsokoma,
ècu tù bàfuka baonso mu dibòko :
ècu ya, kuisù kucììkàla kubuita,
ècu upukila cipùpù naè : hudi hu pukila dinanga ;
cipùpù cibi a cìbì, cipùpù cibiàlàbiàlà ;
hu cì ùnzuluila muoyo, cipùpù ècu dìpula muoyo.
Même, c’Iena mwù àcu qu ela lusanzu :
yièbè, uewe, ng’ànyì mashi hà ku meinwu :
hà n’dì hàmwè cu tuìla, hàmwè cu mina,
naè : pànwu, mwu dilumbukila angana,
ca paèna wu cà pà tùpakana’pò, bualà.
Cìkòlà, uewe, c’huena mu pà bundà cilumbu ;
uewe, c’huena muibà, c’huena mutàpa muntwu :
huvwa muana wa citembu, mukòselakosela kacì ;
muana wu acu ela lumbaandì : lu n’dì cu ela elu.
Ku tùdì, tuetu baèbè : baanà baènù, ba-tatùebè nè ba-mamùebè ba’qu’ledi,
nè bamanyangana nàabò, buonsò buètù, ca kuèna wudi nàebè
nè dijita ku muoyo nànsha wumwe to.
Bûngì buètù apa, bàonso, bà hùvwa mudyà nàabò,
bà hùvwà museka nàabo, mukedièdya nàabò :
tudi tu lòmba Mawueja wa muulu naè :
À qu akidìlà muèndè mu nzùbu, mu Diulu.
Ndààco, kuèbè kumpàla kù tuokà hànu tuò,
kù tuokà hànu kezekeze ; c’hù mòno kabì.
Ndààco buzàmà, c’hù tàngidi panyimà.
Ndààco, né tù móna angana :
bualu, kù tùcìdì eku, n’kuoko ku hùbàadì,
kù hùkaadi aku n’kuoko ku tù lùalà, cìnàmìnaayi.
Hu a tù vùluka’cuocò paèbè,
Masengu wuanyì !
